Dæmum ekki innihaldið af úthaldinu

Heiða vinkona plataði mig á dögunum að prufa nýtt æfingaprógramm með ketilbjöllur. Æfingarnar fara fram í íþrótthúsinu hér upp á Velli. Ég var á æfingu í dag og þegar hún var búin gekk ég fram hjá tækjasalnum. Þar blasti við mér maður sem var mjög upptekinn við að sveifla lóðum og annar í bekkpressunni. Eins asnalegt og það er að sjá mann sveifla lóðum vakti hinn gaurinn meiri athygli hjá mér. Hann var í sínu flottu Diesel gallabuxum, wifebeater bolnum og með húfu. Hvaða fáviti er með húfu á æfingu? Mér fannst þetta svo asnalegt að mér fannst ég knúin til að fara til Heiðu og og lýsa undrun minni á þessu fyrirbæri. Eins mikið og ég hneikslaðist á þessu leið mér pínulítið kjánalega þegar nokkrum mínútum seinna rúllaði maðurinn í gallabuxunum, wifebeaternum og með húfuna sína framhjá mér á hjólastólnum sínum.

Ég hugsa að ég taki með mér svona eins og eina eða tvær bækur í hornið mitt í þetta sinn þar sem ég verð þar í dálítinn tíma núna.

Fyrir nokkrum vikum skrifaði vinkona Öglu Sólar Facebook status “fer í verklega kynfræðslu á morgun”. Sko, ég veit ekki alveg hvernig ég á að útskýra hvað það var sem mér datt fyrst í hug eða hvort ég eigi nokkuð að reyna það. Ég ákvað samt sem áður að athuga málið nánar og spurði voða pent “og út á hvað gengur verkleg kynfræðsla?”.  Svarið sem ég fékk hefði nú átt að róa hugann aðeins en gerði það ekki. Svarið var; “Uhm, það er örugglega eitthvað munnlegt og að kenna okkur að setja smokk á banana.”

Ã? dag kom annar status hjá sömu ungu dömu “veit miklu meira um gervilimi eftir skóladaginn í dag”. Ég gat einfaldlega ekki setið á mér og spurði hvern fjandann væri eiginlega verið að kenna í þessum skóla og var um leið guðs lifandi fegin að Agla mín væri ekki lengur nemi þar. Skvísann áttaði sig að hún hefði ekki alveg skrifað rétt og útskýrði að hún hafi nú eiginlega meint gerviútlimi. Ah auðvitað.

Núna sit ég útí horni og skammast mín og ætla að húka þar þangað til  … æji ég verð þar ef einhver þarf á mér að halda.

Fyrir langa langa langa löngu síðan voru gsm síma ekki til. � þeim tíma var ég í sambúð með honum Mikkó. Hann lætur yfirleitt lítið aftra sér ef hann þarf að komast í samband við einhvern eins og flestir sem hann þekkja vita vel. Dæmi um slíkt þá var ég einu sinni fyrir þessari langa löngu síðan í kvöldskóla í FB (Fjölbraut í Breiðholti ekki Facebook skóla). Eitt kvöldið kem ég niður í matsal og sé þar A4 blað við afgreiðsluborðið sem á stendur HAFD�S ERLA HRINGJA HEIM. Ég lét afgreiðslufólkið vita að ég heiti Hafdís Erla og þau sýndu mér símann og sögðu að maður hefði hringt og beðið þau að koma þessu skilaboðum til mín. Ég hringdi og Mikkó svaraði hinn rólegasti og velti því fyrir sér hvenær ég væri búin í skólanum. Þegar ég hafði fengið það á hreint að ekkert blóð værir sjáanlegt heima, Agla hefði ekki drukknað í baðinu og allt var í raun eins og það ætti að vera sagði ég honum hvenær ég væri búin. Hann bað mig þá vinsamlegast að hætta örlítið fyrr í skólanum þetta kvöldið því hann vildi endilega bjóða mér í bíó.

Annað dæmi um svona var þegar ég kíkti á Mikkó í vinnuna hans á laugardegi og sagði honum að ég ætlaði á bensínstöðina á leiðinni heim og fór. Þegar ég kom á bensínstöðin og beið í röð eftir afgreiðslu kallar einn afgreiðlsumaðurinn HAFD�S ERLA. Ég svaraði með miklum trega Jaaaá. Maðurinn rétti fram símtól og sagði það er síminn til þín. Mikkó var í símanum og bað mig að kaupa fyrir sig sígarettur og koma með til hans áður en ég færi heim.

Núna í kvöld skildi ég Mikkó eftir heima með 12 organdi 14 ára gelgjum í afmælissleepover og fór til mömmu. Ég kom samt sem áður við á American Style fyrst. Þegar ég hafði beðið í smá stund eftir matnum heyri ég afgreiðlsukonuna kalla. HAFDÃ?S ERLA Ã?RNADÓTTIR, ég leit við og hugsaði Hvernig í andskotanum veit hún hvað ég heiti? Næsta hugsun var hvernig í andskotanum veit Mikkó að ég fór á Stælinn. Oh, af hverju hringdi hann ekki í gemsann minn?  Eftir að hafa starað á konuna með undrunar svip í svolítinn tíma stundi ég já það er ég. Afgreiðslukonan rétti eitthvað fram og sagði “Hérna er ökuskirteinið þitt, þú hlýtur að hafa misst það áðan.

G: Mamma, hvar er Agla?
Ég: Hún er með vinkonum sínum.
G: Hvenær kemur hún heim?
Ég: Svona um 9 eða 10
G: Ég held að hún komi heim eftir 8 mínútur. Hringjum bara í hana.
Ég: Nei hún fór með vinkonum sínum…
G: …að gista með þeim?
Ég: Nei, hún fór með vinkonum sínum því ein þeirra…
G: …ætlar að gista hjá okkur?
Ég: (andvarp) Viltu leyfa mér að klára setninguna?
G: Já hvert fór Agla?
Ég: Vinkona Öglu er að athuga hvort hún fái að leika í leikriti og Agla fór með. Úff.

Gabríel: Mamma, það vantar strikið. (Reglustikuna)
Ég: Nú af hverju?
G: Kennarinn tók hana.
Ég: (í hálfum hljóðum uh oh) Nú af hverju tók kennarinn hana?
G: Ég var bara að leika mér.
Ég: Nú jæja.
G: Mamma, kennarinn ræður ekki yfir mér.
Ég: Er það ekki?
G: Nei, ég á mig sjálfur.
Ég: Já það er alveg rétt hjá þér. Fliss, greyið kennarinn.